Valgerður Guðnadóttir

Valgerður Guðnadóttir lauk 8. stigi í söng frá Söngskólanum í Reykjavík og útskrifaðist úr The Guildhall School of Music and Drama í London árið 2000. Hún lék hér síðast í Sem á himni, Framúrskarandi vinkonu og Leitinni að jólunum og hefur farið með burðarhlutverk í fjölda leiksýninga og óperuuppsetninga, m.a. í Vesalingunum, West Side Story, Rocky Horror, Gauragangi, Töfraflautunni, Carmen, Brúðkaupi Fígarós og Rakaranum frá Sevilla, m.a. hjá Þjóðleikhúsinu, Borgarleikhúsinu, LA og Íslensku óperunni. Hún hefur komið víða fram sem einsöngvari. Hún hlaut Grímuna fyrir Söngvaseið og var tilnefnd fyrir Mömmu klikk og Phantom of the Opera. Hún hefur tvívegis verið tilnefnd til Íslensku tónlistarverðlaunanna.