Þjóðleikhús unga fólksins

Við kveikjum áhuga á leikhúsinu og nærum ástríðu nýrra kynslóða um allt land með fjölbreyttum hætti og aukum aðgengi ungs fólks og ólíkra hópa að leikhúsi.

Boðið er upp á framúrskarandi leiksýningar fyrir börn á ólíkum aldri og leikhúsið stendur að margvíslegum verkefnum til að efla áhuga ungs fólks á leiklistinni.

Við opnum töfraheim leiklistarinnar fyrir börnum og unglingum!

Leikhússkóli Þjóðleikhússins

Þjóðleikhúsið hefur stofnað nýjan leikhússkóla, sem býður upp á einstakt tækifæri fyrir ungt fólk á aldrinum 18-22 ára til að kynna sér leikhúsið frá ólíkum hlið og efla færni sína.

Leikhússkóli Þjóðleikhússins

Fræðsluteymi

Öflugt teymi leiðir fjölbreytt barna- og fræðslustarf Þjóðleikhússins, í samstarfi við listræna stjórnendur. Í teyminu eru Vala Fannell, Jón Stefán Sigurðsson og Elísa Sif Hermannsdóttir. Unnið er að því að halda áfram að efla þennan hluta í starfsemi leikhússins og sækja fram. Við fögnum hugmyndum og tillögum!

SJÁÐU ALLT EINS OFT OG ÞÚ VILT

Nýtt byltingarkennt áskriftarkort fyrir 13 – 25 ára.
Opið kort á fáránlega góðu verði.
1.550 kr. á mánuði!

Áskrift í 10 mánuði.
1.550 kr. á mánuði.
Þú bókar miða samdægurs.
Þú getur komið aftur og aftur á allar uppsetningar Þjóðleikhússins. (Gildir ekki á sýningar í Þjóðleikhúskjallaranum eða samstarfssýningar.)
Gildir aðeins fyrir eiganda kortsins.

Sala á Opnum kortum hefst í ágúst.

SKOÐA LEIKÁRIÐ

25 ára eða yngri fá þrjár eða fleiri sýningar á 50% afslætti

Við galopnum Þjóðleikhúsið fyrir ungu fólki með leikhúskorti með enn meiri afslætti

Ungmennakortið gildir á allar kvöldsýningar Þjóðleikhússins á Stóra sviðinu, í Kassanum og á Litla sviðinu.
Verðið fer eftir þeim sýningum sem þú velur
Ungmennakorti fylgja öll sömu fríðindi og almennu leikhúskorti

KAUPA UNGMENNAKORT

Börnum um allt land boðið á leiksýningar

Þjóðleikhúsið býður hópum skólabarna á ólíkum aldri að sjá leiksýningar og kynnast töfraheimi leikhússins. Leikhúsið tekur á móti hópum í leikhúsið en ferðast einnig um landið með sýningar sínar og vinnustofur. Leiksýningar í skólum á næstu árum miða að því að öll börn sem útskrifast úr grunnskóla hafi þrisvar á skólagöngu sinni, á ólíkum námsstigum, séð leiksýningu á vegum Þjóðleikhússins.

Skoðunarferðir um töfraheima leikhússins og starfskynningar

Skólum og hópum er boðið að panta skoðunarferðir um töfraheima leikhússins og árlega tekur leikhúsið á móti fjölda ungmenna í starfskynningu.

Þjóðleikhúsið býður upp á skoðunarferðir um leikhúsið fyrir hópa til að fræðast um bygginguna, störfin baksviðs og sögu leikhússins. Dagsetningar skoðunarferða má finna á bókunarfomi á heimasíðu leikhússins þar sem skoðunarferðir eru bókaðar.

Bóka skoðunarferð

Sviðs- og tækninámskeið fyrir áhugaleikfélög og framhaldsskóla

Þjóðleikhúsið styður við starfsemi áhugaleikfélaga og framhaldsskólaleikfélaga landsins með námskeiðahaldi. Boðið verður upp á fjöur námskeið á leikárinu, í framleiðslu og verkefnastjórnun, ljósahönnun, hljóðhönnun og sýningarstjórn. Þátttakendum býðst að fara á leiksýningu samdægurs í Þjóðleikhúsinu og taka þátt í umræðum við fagfólk eftir sýningu.

Nánar um námskeið