Ormstunga – Fræðslupakki

Fræðsludeild Þjóðleikhússins hefur sett saman viðamikinn fræðslupakka fyrir kennara og alla þá sem starfa við fræðslu og menntun ungmenna.

Í pakkanum eru tillögur að mismunandi verkefnum, æfingum og umræðum í tengslum við uppfærsluna sem kennurum er frjálst að nýta sér til undirbúnings fyrir sýninguna eða í eftirfylgni.

Í fræðslupakkanum er unnið með sagnaarfinn ásamt helstu þemum söngleiksins Ormstungu, persónum, textum og tónlist.

Pakkann má nálgast hér en einnig á síðu sýningarinnar.

Ormstunga er glænýr og ferskur íslenskur söngleikur byggður á Gunnlaugs sögu ormstungu, sígildri sögu sem er í senn spennandi, fyndin og hjartnæm.

Höfundarnir eru af yngstu kynslóð leikhúslistafólks og ná með glæsilegum hætti að vinna úr menningararfi okkar í nútímalegu og heillandi formi.

Verkið er skrifað í anda hins heimsfræga stórsöngleiks Hamilton, sem ruddi brautina fyrir kraftmikinn samruna sögulegra atburða og krassandi tónlistar.