Aukin áhersla á aðgengi ólíkra hópa

Í kvöld, fimmtudaginn 4. desember er boðið upp á sjónlýsta sýningu á Íbúð 10B. Sjónlýstar sýningar eru fyrst og fremst ætlaðar blindum og fólki með sjónskerðingar. Sjónlýsendur eru Þórunn Hjartardóttir og Guðbjörg Hjartardóttir. Þær munu lýsa því sjónræna sem á sér stað á sviðinu.
Þau sem nýta sér þjónustuna fá heyrnartól afhent í miðasölu. Hafa skal samband við miðasölu til að bóka. Taka þarf fram hversu margir í hópnum ætla að nýta sér sjónlýsingu. Aðrir leikhúsgestir verða ekki varir sjónlýsingar.

Laugardaginn 6. desember verður boðið upp á svokallaða skynvæna sýningu á Jólagjöf Skruggu. Skynvænar sýningar eru einkum ætlaðar skynsegin einstaklingum og öðrum sem geta upplifað mikið skynrænt áreiti í leikhúsi.

Í tengslum við skynvænar sýningar er gefinn út sjónrænn sögðuþráður í hefti sem nálgast má rafrænt á heimasíðu leikhússins. Þar er sýningunni og skynáreiti sem hún getur vakið lýst. Gert er grein fyrir hvenær innan sýningarinnar má búast við skynrænu áreiti,  svo sem óvæntum hljóðum eða ljósabreytingum.