/
Starfsfólk Þjóðleikhússins

Valgeir Sigurðsson

Tónhöfundur, Tónlistarmaður
/

Tónskáld

Valgeir Sigurðsson semur tónlist fyrir Vertu úlfur og Framúrskarandi vinkonu í Þjóðleikhússinu í vetur. Hann samdi meðal annars tónlist hér fyrir Meistarann og Margarítu.

Valgeir hefur samið tónlist af ýmsu tagi en einnig starfað sem upptökustjóri fyrir fjölda hljómplatna og hefur hann einnig flutt tónlist sína víða um heim. Hann stofnaði útgáfufyrirtækið Bedroom Community árið 2006, en meðal annarra sem hafa gefið út á vegum þess eru Ben Frost, Nico Muhly og Daníel Bjarnason. Hann stofnaði hljóðverið Gróðurhúsið árið 1997 og þar hefur hann starfað með listafólki frá öllum heimshornum.

Valgeir hefur samið tónverk og kammertónlist fyrir aðila á borð við City of London Sinfonia, Scottish Ensemble, Winnipeg Symphony, Crash Ensemble, Alarm Will Sound, Nordic Affect og breska fiðluleikarann Daniel Pioro. Hann hefur einnig samið tónlist fyrir leiksýningar, dansverk og kvikmyndir, og eftir hann liggja þrjár kammeróperur / tónleikhúsverk; Wide Slumber for Lepidopterists, Woman Undone & We Are In Time. Tónlist Valgeirs fyrir kvikmyndina Draumalandið var tilnefnd til Eddunnar og sólóplata hans Dissonance hlaut Íslensku tónlistarverðlaunin í opnum flokki árið 2017.

Hann hlaut Grímuverðlaunin fyrir hljóðmynd í Vertu úlfur ásamt Elvari Geir Sævarssyni.

/

Sýningar

Opnunartími miðasölu

Miðasala Þjóðleikhússins verður opin á nýjan leik eftir sumarleyfi þann 19. ágúst.

Heimilisfang
Hverfisgata 19, 101 reykjavík
Sjá á korti
Sími