Leikhússkóli Þjóðleikhússins, útskrift vorið 2025.

Nadía Hjálmarsdóttir hefur víðtæka reynslu af verkefnastjórnun og framleiðslu innan skapandi greina. Hún lauk diplómanámi í praktískri kvikmyndaframleiðslu frá European Film College í Danmörku og stundar nú BA nám í Skapandi greinum við Háskólann á Bifröst. Árið 2024 starfaði hún í framleiðsludeild kvikmyndahátíðarinnar RIFF og stofnaði jafnframt hátíðina Ebeltoft Film Festival í Danmörku. Auk kvikmyndaframleiðslu hefur Nadía sinnt störfum sem danshöfundur og leikstjóri við Söngleikjadeild Dansskóla Birnu Björns. Þá hefur hún einnig unnið við framleiðslu og komið fram í fjölmörgum uppsetningum á vegum Listafélagsins og Nemendamótsnefndar Verzlunarskóla Íslands á árunum 2020 til 2023.