Leikhússkóli Þjóðleikhússins, útskrift vorið 2025.

Jóna Margrét Guðmundsdóttir er tónlistarkona, með fjölbreytta reynslu í tónlist og miðlun. Hún starfar sem útvarpskona á FM957 og hefur komið víða fram sem söngkona og tónlistarkona, meðal annars náð góðum árangri í Idol. Árið 2022 gaf Jóna út sína fyrstu plötu, Tímamót sem fjallar um einu og sömu ástarsöguna. Jóna er með stúdentspróf af skapandi braut í tónlist frá Menntaskólanum á Akureyri og hefur lokið söngnámi í Complete Vocal Technique (CVT) í Danmörku. Hún hefur einnig leikið stór hlutverk í söngleikjum eins og Fun Home, Into the Woods og Heathers. Samhliða störfum sínum á FM957 stundar Jóna nám við Leikhússkóla Þjóðleikhússins og gefur út tónlist.