Pissudúkkur

Þær eru búnar að vera saman í bókaklúbbi í 35 ár. Og nú á að halda upp á það með því að taka fyrir heimsfrægu verðlaunabókina Pissudúkkur, eftir Helen Johnson. En hvernig er hægt að ræða bók sem bara sumar hafa lesið, aðrar til hálfs eða jafnvel alls ekki? Og hverjar eru þessar konur sem þekkjast svo vel en þekkjast samt ekki?

Pissudúkkur er absúrd gamanleikur með dramatískum undirtóni, sérstaklega skrifaður fyrir hóp leikkvenna sem tilheyra þriðja aldursskeiðinu. Bráðfyndið nýtt íslenskt leikrit um konur og bókaklúbba þar sem allt getur gerst – en ekki síst um listina að lesa og hlusta.

Leikhópurinn Leikhúslistakonur 50+ hlaut tilnefningu til hvatningaverðlauna Grímunnar vorið 2026.

Leikhópurinn býður upp á umræður með þátttöku listafólks eftir 6. sýningu á verkinu.