Föstudagskabarett

Þjóðleikhúskjallarinn, nýjasta klassabúlla bæjarins býður þér á kabaretthlaðborð fyrsta föstudag í hverjum mánuði þar sem goðsagnirnar Margrét Erla Maack (Miss Mokki) og Siggi Starr (Gógó Starr) raða saman búrleski, kabarett, sirkus, dragi, uppistandi og öllu kynþokkafyllsta listafólki Kjallarans.

Aðgangur er ókeypis og hleypt inn á meðan húsrúm leyfir. Drykkjar- og barsnakkseðillinn skartar sínu fegursta og um að gera að mæta tímanlega til að fá sæti. Húsið er opnað kl. 17 og fjörið hefst stuttu síðar. Við minnum á 20 ára aldurstakmark.