Eurovision-vaka

Komdu í Kjallarann og upplifðu Eurovision sem aldrei fyrr! 

Dragdrottningin Gógó Starr leiðir áhorfendur í gegnum Söngvakeppni evrópskra sjónvarpsstöðva með stórskemmtilegu drag ívafi. Sýnt verður beint frá keppninni allt kvöldið og stórbrotnar kynjaverur úr dragsenu landsins leika lausum hala og gæta þess að öll fái júró-stemninguna beint í æð með glæsilegum kynningum og atriðum við hvert tækifæri. 

Júró-klisju bingó, júró-spurningakeppni, júró-búningakeppni og fleiri fjölbreyttar uppákomur á meðan við horfum saman á glæsilegustu söngvakeppni alheimsins í hrífandi umhverfi Kjallarans. 

Allskonar girnilegar og sígildar júró-partí-veitingar á tilboði á barnum.

Húsið opnar 18:30 og dagskráin hefst samhliða beinni útsendingu frá Tórínó.