Áfram stelpur

50 ár frá því að konur lögðu niður störf til að knýja fram breytingar
Í tilefni þess að 50 ár eru liðin frá því að íslenskar konur breyttu sögunni með því að taka sér frí frá störfum 24. október 1975, verður platan Áfram stelpur! flutt í heild sinni í Þjóðleikhúskjallaranum og sagan rifjuð upp. Platan var gefin út í kjölfar þess að nokkrar leikkonur í sýningunni Ertu nú ánægð, kerling, sem frumsýnd var í Þjóðleikhúskjallaranum árið 1974 ákváðu að gefa út plötu í tilefni af Kvennaári Sameinuðu þjóðanna 1975. Það er hreint stórkostlegt að segja frá því að þátttakendur í dagskránni eru að hluta til leikkonur sem sungu inn á plötuna á sínum tíma. Yngri leikkonur taka svo upp merkið og flytja með þeim eldri lögin af plötunni og segja okkur þessa merkilegu sögu sem ekki má gleymast. Sýningar verða tvær. Frumsýning 21.október klukkan 19.30 og sérstök hátíðarsýning á 50 ára afmæli kvennafrídagsins 24.október klukkan 19.30.

Höfundar:
Gunnar Edander, Suzanne Osten og Margareta Garpe, Dagný Kristjánsdóttir, Kristján Jóhann Jónsson, Þrándur Thoroddsen, Böðvar Guðmundsson, Lillemor Lind og Magnús Þór Jónsson

Leikstjóri:
Þórunn Lárusdóttir

Höfundar leikgerðar:
Steinunn Jóhannesdóttir og Þórunn Lárusdóttir