Örugg saman í salnum
Kæri gestur, okkur í Þjóðleikhúsinu þykir ákaflega vænt um að sjá þig í leikhúsinu. Við leggjum okkur fram um að gæta öryggis gesta og starfsfólks í góðu samráði við sóttvarnaryfirvöld.
Njótum leikhússins saman og gætum að öryggi okkar um leið!
- GRÍMUSKYLDA er á alla viðburði Þjóðleikhússins fyrir alla gesti 16 ára og eldri. Einungis þau sem eru fædd eftir 2006 eru undanskilin grímuskyldu.
- Ekki þarf lengur að sýna strikamerki úr hraðprófi.
- NÁNDARMÖRK hafa nú verið felld úr gildi.
- RAFRÆNIR MIÐAR – Nýtum rafræna miða og framvísum þeim með síma, eða sýnum miða sem við höfum prentað út fyrir sýningu. Verum tilbúin með miðann okkar og drögum þannig úr því að raðir myndist.
- MÆTUM TÍMANLEGA í leikhúsið til að forðast raðir.
- NÚMERUÐ SÆTI – Gestum er einungis heimilt að sitja í þeim númeruðu sætum sem tilgreind eru á miða.
- EKKERT MÁL AÐ BREYTA! – Ef þú finnur fyrir einkennum, lendir í sóttkví eða smitast er ekkert mál að breyta dagsetningu á miðunum þínum, á vefnum (allt að sólarhring fyrir sýningu) eða hjá miðasölu í síma 551 1200. Til að breyta dagsetningu rafrænt finnur þú tölvupóstinn sem þú fékkst með miðum/kvittun, ýtir á hnappinn “breyta miða”, og fylgir leiðbeiningum.
- DRÖGUM ÚR HÓPAMYNDUN – Gætum þess að ekki myndist hópar í forsal eða við salerni. Best er að hafa persónulega muni sína og yfirhafnir hjá sér í stað þess að nýta fatahengi, ef unnt er.
- FÖRUM VARLEGA – Gætum vel að persónulegum sóttvörnum og munum að heilsa hvert öðru án snertingar, til að vernda okkur sjálf og aðra.
- GRÍMUNOTKUN – Notum grímur allt frá því komið er í leikhúsið, einnig inni í sal á meðan á sýningu stendur. Ef þú gleymir grímunni þinni eigum við grímu fyrir þig!
- HREINLÆTI – Við hvetjum gesti til að nota handspritt þegar komið er í leikhúsið, og eftir þörfum. Í leikhúsinu er gott aðgengi að vatni, sápu og handspritti. Við höfum aukið ræstingar og sótthreinsun snertiflata vegna farsóttarinnar.
- SNERTILAUSAR GREIÐSLUR – Nýtum snertilausar greiðslur þegar miðar, varningur eða veitingar eru keyptar. Við tökum ekki við reiðufé um þessar mundir.
