Leikhússkóli Þjóðleikhússins, útskrift vorið 2026

Svala Norðdahl Emilíudóttir er stúdent frá Fjölbrautaskóla Suðurlands af opinni braut þar sem hún hlaut viðurkenningu fyrir góðan árangur í leiklist. Áður stundaði hún nám við Hofstaðaskóla og Grunnskólann á Hellu. Svala stundar nú nám í tómstunda- og félagsmálafræði við Háskóla Íslands. Hún hefur aflað sér fjölbreyttrar reynslu á sviði leiklistar og tónlistar og tekið þátt í söngleikjunum Bugsy Malone og Oliver við Söngskólann í Reykjavík. Svala endurvakti leikfélag Fjölbrautaskóla Suðurlands og samdi söngleik sem var settur upp árið 2022, auk þess sem hún tók þátt í uppfærslum Leikfélags Hveragerðis á Benedikt Búálfi og Litlu hryllingsbúðinni. Hún hefur einnig haldið leiklistarnámskeið fyrir börn á vegum Rangárþings ytra, skipulagt tónleika með stuðningi menningarstyrks og skrifað fimm leikverk.