Jón Magnús Arnarsson útskrifaðist úr leikara- og performansdeild The Commedia School árið 2013. Eftir útskrift skrifaði hann og lék í tveimur einleikjum sem fluttir voru á Act Alone einleikjahátíðinni á Suðureyri. Hann er einn af stofnendum hópsins Golden Gang Comedy sem staðið hefur fyrir vikulegu uppistandi í Reykjavík um fimm ára skeið. Þá var hann einn af forsvarsmönnum fjöllistahátíðarinnar Reykjavík Fringe Festival sem fyrst var haldin sumarið 2018. Jón Magnús er fyrrum Íslandsmeistari í ljóðaslammi (poetry slam) og tekur þátt í virtum alþjóðakeppnum í þeirri list. Einnig rappaði hann árum saman undir listamannsnafninu Vivid Brain. Fyrsta leikrit hans, Tvískinnungur, var frumsýnt í Borgarleikhúsinu í nóvember 2018 og hlaut góða dóma. Rómeó&Júlía fyrir Þjóðleikhúsið er hans fyrsta þýðing.