/
Starfsfólk Þjóðleikhússins

Íris Tanja Í. Flygenring

/

Íris Tanja Í. Flygenring leikur í Þjóðleikhúsinu leikárið 2019-2020 í Þínu eigin leikriti - Tímaferðalagi og Shakespeare verður ástfanginn.

Íris Tanja útskrifaðist úr leiklistardeild Listaháskóla Ísland vorið 2016.

Eftir útskrift hefur hún tekið þátt í margskonar verkefnum innan leiklistarinnar. Hún lék Veru í sjónvarpsþáttunum Föngum og Fenellu í bresku kvikmyndinni Iceland is Best.

Hún byrjaði ung að leika og lék í Drakúla hjá Leikfélagi Akureyrar sem barn og Brúðuheimili hjá Þjóðleikhúsinu. Lék í sjónvarpsþáttunum Dansskórnir sem sýndir voru á RÚV en hún æfði ballett í 13 ár hjá Listdansskóla Íslands. Hún dansaði í Svanavatninu í uppsetningu Helga Tómassonar með San Francisco Ballet í Borgarleikhúsinu.

Hún hefur einnig leikið í stuttmyndum og tekið þátt í ýmsum útvarpsleikritum, þar á meðal útvarpsleikritinu Lifun í leikstjórn Stefáns Halls Stefánssonar, en verkið hlaut Grímuverðlaunin sem Útvarpsverk ársins 2017. 

/

Sýningar

Opnunartími miðasölu

Miðasala Þjóðleikhússins er opin virka daga frá kl. 14 – 18 og til kl. 20.00 á sýningarkvöldum. Um helgar er miðasalan opin frá kl 11 – 18 og til kl 20:00 á sýningarkvöldum

Heimilisfang
Hverfisgata 19, 101 reykjavík
Sjá á korti
Sími