Leikmyndahöfundur
Elín Hansdóttir er myndlistarmaður og hefur undanfarin ár unnið leikmyndir fyrir Þjóðleikhúsið, Burgtheater, Kampnagel og Borgarleikhúsið. Hún gerir leikmynd og búninga fyrir Nýtt eldhús eftir máli ásamt Filippíu I. Elísdóttur og leikmynd fyrir Hetjur hafsins í Þjóðleikhúsinu í vetur. Elín lauk BA-prófi frá myndlistardeild Listaháskóla Íslands árið 2003 og Magisterprófi frá KHB-Weißensee í Berlín árið 2006. Elín hefur haldið fjölda einkasýninga og tekið þátt í samsýningum víða um heim. Þverfagleg listsköpun Elínar sameinar skúlptúr, ljósmyndun og innsetningar til að skapa staðbundin verk þar sem áhersla er lögð á skynjun einstaklingsins á umhverfi sínu. Elín hlaut Bjartsýnisverðlaunin árið 2017 og árið 2022 var útilistaverk hennar Himinglæva afhjúpað við Hörpu tónlistarhús. Elín hlaut Grímuverðlaunin fyrir leikmynd í Óresteiu og Vertu úlfur og var tilnefnd fyrir Saknaðarilm.
