Bríet Ísis Elfar tekur þátt í sýningu Þjóðleikhússins á Rómeó og Júlíu og er meðal höfunda tónlistar. Bríet hefur vakið mikla athygli í íslensku tónlistarlífi á undanförnum árum. Hún hlaut tilnefningu í sjö flokkum á Íslensku tónlistarverðlaununum árið 2021 og hlaut þrenn verðlaun, fyrir poppplötu ársins, sem textahöfundur ársins og söngkona ársins. Hún hlaut einnig fern verðlaun á Hlustendaverðlaununum. Meðal vinsælustu laga hennar eru Rólegur kúreki, sem hefur fengið tæplega tvær milljónir spilana á streymisveitunni Spotify, og Esjan.