Nanna MBS útskrifaðist úr OCAD University í Toronto í Kanada árið 2018 og vann þar heiðursverðlaun Integrated Media-brautarinnar fyrir lokaverkefni sitt. Hún starfar sem margmiðlunarlistamaður í Berlín, Toronto og á Íslandi. Hún hefur unnið við myndbandahönnun í leikhúsum víða um Evrópu, m.a með Þorleifi Erni Arnarssyni við uppsetningu verka í Þjóðleikhúsinu í Ósló og Volksbühne í Berlín. Samhliða því að starfa sem myndbandshönnuður fyrir leikhús hefur hún síðastliðin ár unnið við leikmyndagerð fyrir kvikmyndir auk þess að vera sjálfstætt starfandi listamaður. Hún hannar myndband fyrir sýningu Þjóðleikhússins á Rómeó og Júlíu.