Árið 2025 var árið sem Þjóðleikhúsið fagnaði 75 ára afmæli, íslensk leikritun var í öndvegi og ríkisstjórnin færði leikhúsinu viljayfirlýsingu um langþráða viðbyggingu. Heim, eftir Hrafnhildi Hagalín var fyrsta frumsýning ársins og stuttu síðar blés Stormur ferskum vindum inn á Stóra sviðið þar sem Unnur Ösp og Una Torfa sameinuðu krafta sína.

Skólabörn í þúsundatali víða um land, sáu ævintýri Orra óstöðvandi og Möggu Messi um allt land. Lína Langsokkur hertók Stóra sviðið á haustdögum og í kjölfarið frumsýndum við Íbúð 10B eftir Ólaf Jóhann í leikstjórn Baltasars Kormáks. Síðasta frumsýning ársins var svo hin stórbrotna Óresteia sem leikhúsgestir og gagnrýnendur hafa keppst við að mæra.
Aðsókn að leikhúsinu var frábær og fjöldi sýninga gekki bráðvel. Sætisnýting var með besta móti og söluáætlanir stóðust með talsverðri nákvæmni.

Guli dregillinn, ný leikritahátíð hóf göngu sína og Blómin á þakinu heilluðu unga sem aldna á Litla sviðinu. Við tókum á móti þúsundum gesta á menningarnótt og einleikurinn Þetta er gjöf vakti athygli á Litla sviðinu. Jólaævintýri leikhúsálfanna um jólagjöf Skruggu var enn eitt nýja íslenska verkið sem rataði á fjalirnar á afmælisárinu.

Okkur bættist öflugur liðsstyrkur í nýjum framkvæmdastjóra og mannauðsstjóra og nú hyllir undir nýja Þjóðaróperu.

Mikill kraftur hefur færst í fræðslustarf Þjóðleikhússins.Leikhússkóli Þjóðleikhússins útskrifaði sína fyrstu nememdur árið 2025 og annar árgangur skólans innritaðist. Stofnaður var Kennaraklúbbur Þjóðleikhússins, þvert á skólastig en markmið klúbbins er að auka samband og efla samskipti leikhússins við skólastofnanir landsins.

Í tilefni 75 ára afmæli Þjóðleikhússins var spennandi verkefni ýtt úr vör. Markmiðið er að allar leikskrár Þjóðleikhússins frá upphafi verði gerðar aðgengilegar á timarit.is og vef Þjóðleikhússins

Boðið var upp á aðgengilegar sýningar í anda nýrrar stefnu um aðgengi ólíkra hópa en unnið hefur verið ötullega að nýrri stefnu í aðgengismálum svo sem skynvænt sýningarhald, táknmálstúlkaðar og textaðar sýningar bæði á ensku og íslensku.

Líkt og undanfarin ár stóð Þjóðleikhúsið fyrir opnum aðventustundum víða um Reykjavík í desember. Leikarar Þjóðleikhússins fóru þá leikandi og syngjandi vítt og breitt um borgina en í heild urðu sýningarnar meira en tuttugu talsins. Sýnt var á starfsstöðum Virknimiðstöðvar, í samfélagshúsum, félagsmiðstöðvum, hjúkrunarheimilum og dagdvölum Reykjavíkurborgar.

Stefna Þjóðleikhússins er að taka á brýnum málefnum samtímans, brjóta múra, segja sögur sem hrífa og hreyfa við áhorfendum og skipta máli í fjölbreytilegu samfélagi okkar . VIð viljum vera opin, leitandi og framsýn, taka listræna áhættu og hafa þor til að ögra viðteknum viðhorfum og fyrir fram mótuðum hugmyndum .

Við viljum leita hins óvænta og óræða, næra ímyndunaraflið og sköpunarkraftinn og veita innblástur . Hlusta eftir nýjum og ólíkum röddum, innan lands sem utan  og efla íslenska leikritun og stuðla að frumsköpun  .
Þjóðleikhúsið leggur áherslu á innihald umfram umbúðir og leitast við að efla víðsýni, umburðarlyndi, samkennd og mennsku . Það er skyllda okkar að koma sífellt á óvart, brydda upp á nýjungum og ögra þannig bæði áhorfendum og okkur sjálfum.

Verkefnaval  

Verkefnaval Þjóðleikhússins miðar að því að velja verk sem eiga brýnt erindi við samtímann og sífellt fjölbreyttara samfélag okkar. VIð stuðlum að  frumsköpun með því að ráða höfunda, jafnt reynda sem nýja, og aðra skapandi sviðslistamenn til þess að þróa ný verk fyrir leiksviðið. Við stefnum að því að gæði íslenskrar leikritunar verði sambærileg við framúrskarandi erlenda samtímaleikritun

Við veljum framúrskarandi ný erlend verk sem eiga erindi við íslenska áhorfendur og klassísk verk, erlend og íslensk, sem öðlast endurnýjað erindi í nýjum, framúrskarandi uppfærslum, og eru til þess fallin að stuðla að framþróun leiklistarinnar . VIð leggjum rækt við menningararfinn, bæði íslenskan menningararf og heimsbókmenntir, í ferskum og ögrandi uppsetningum

Við opnum a leikhúsið fyrir nýjum og stórum hópum áhorfenda, og gera Þjóðleikhúsið að eftirsóttum stað fyrir fólk úr ólíkum áttum

Við leggjum metnað okkar í að skapa kraftmiklar, vandaðar og skemmtilegar sýningar fyrir börn og ungt fólk sem glæða áhuga á leikhúsi, vekja til umhugsunar, næra ímyndunaraflið og virkja sköpunarkraftinn.  Við leggjum érstaka rækt við íslenska tungu, en jafnframt veita þeim sem ekki hafa íslenska tungu á valdi sínu aðgengi að sýningum, m.a. með textun valdra sýninga

Fólkið 

Þjóðleikhúsið er suðupottur frábærra listamanna sem hvílir á reynslu og áræðni í síbreytilegum heimi. Í Þjóðleikhúsinu starfar listafólk sem hefur ástríðu fyrir leiklistinni og þor til að stefna á ný mið. Það er skapandi, opið og leitandi, og viðheldur forvitni og ástríðu gagnvart listinni, og sýnir frumkvæði í starfi . Fólk í fremstu röð, sem býr yfir reynslu og þekkingu, ásamt upprennandi listafólki sem veitir ferskum straumum inn í leikhúsið . Þetta listafólk kemur úr ólíkum áttum, með fjölbreyttan bakgrunn og mótun . Framúrskarandi erlent listafólk veitir einnig ferskum straumum inn í leikhúslíf landsins; sem fær tækifæri til að efla og þroska hæfileika sína .

Aðgerðir til framtíðar: 

• Ólíkir aðilar úr ýmsum áttum séu fengnir til að veita álit á verkefnavali, með leikritalestri og umræðum
• Endurnýjun verði í hópi listamanna, þar sem ólíkur bakgrunnur og fjölbreytileiki verði aukinn
• Áfram sé unnið að því að auka hlutfall yngri listamanna við húsið, og eðlilegri endurnýjun í leikhópi
• Að efla aðgerðir sem lúta að umhverfismálum, endurnýtingu og takmörkun á sóun

Yerma eftir Simon Stone. Leikstjórn Gísli Örn Garðarsson. (Ath. frumsýnt á jólum 2024, sýningar héldu áfram). Gestafjöldi: 3.711. Fjöldi sýninga: 11.

Heim eftir Hrafnhildi Hagalín. Leikstjóri Magnús Geir Þórðarson. Sýningar hófust í Kassanum 7. febrúar. Gestafjöldi: 3.224. Fjöldi sýninga: 22.

Stormur eftir Unnu Ösp Stefánsdóttir og Unu Torfadóttir sem einnig samdi tónlist. Sýningarhófust á Stóra sviðinu 6. mars. Gestafjöldi: 11.754. Fjöldi sýninga: 27.

Blómin á þakinu. Leikgerð eftir Agnesi Wild sem einnig leikstýrði. Byggt á samnefndri bók eftir Ingibjögru Sigurðardóttur og Brian Pilkington . Sýningar hófust á Litla sviðinu 15. mars. Gestafjöldi: 7774. Fjöldi sýninga: 72.

Ævintýri Orra óstöðvandi og Möggu Messi. Leikgerð eftir Völu Fannell sem einnig leikstýrði. Byggt á bókum Bjarna Fritzsonar. Frumsýnt á Stóra sviðinu 18. mars og í framhaldi víða um land fyrir skólabörn á miðstigi. Gestafjöldi: 12071 Fjöldi sýninga:
47. (Þjóðleikhúsið 23 – Landsbyggðin 24).

Þetta er gjöf. Leikstjóri og höfundur Kolbrún Björt Sigfúsdóttir. Sýningar hófust á Litla sviðinu 25. september. Gestafjöldi: 815. Fjöldi sýninga: 11.

Lína Langsokkur eftir Astrid Lindgren. Leikstjóri Agnes Wild. Sýningar hófust á stóra sviðinu 13. september. Gestafjöldi: 26892. Fjöldi sýninga: 57.

Íbúð 10B eftir Ólaf Jóhann Ólafsson. Leikstjóri Baltasar Kormákur. Sýningar hófust á Stóra sviðinu 17. október. Fjöldi sýninga: 21.

Jólagjöf Skruggu. Eftir Melkorku Teklu Ólafsdóttur og Matthías Tryggva Haraldsson. Leikstjóri Guðjón Davíð Karlsson. Sýningar hófust á Litla sviðinu 13. nóvember.
Gestafjöldi: 1.780. Fjöldi sýninga: 22.

Óresteia. Höfundur og leikstjóri Benedict Andrews. Sýningar hófust í Kassanum 26. desember. Gestafjöldi: 854. Fjöldi sýninga: 8

Frost. Handrit: Jennifer Lee. Tónlist og söngtextar: Kristen Anderson-Lopez, Robert Lopez. Leikstjórn Gísli Örn Garðarsson. Gestafjöldi: 6026. Fjöldi sýninga: 12
Eltum veðrið eftir leikhópinn. Sýningar héldu áfram frá síðasta leikári. Gestafjöldi: 15.013. Fjöldi sýninga: 33.

Saknaðarilmur eftir Unni Ösp Stefánsdóttur. Byggt á bókum Elísabetar Jökulsdóttur. Sýningar héldu áfram frá síðasta ári 6. september. Gestafjöldi: 1400. Fjöldi sýninga: 11.

Guli dregillinn. Ný leikritahátíð Þjóðleikhússins. Sýnt 26. apríl í Kassanum.
Þrjú verk sýnd í æfðum leiklestri. Kronplatz eftir Hildi Selmu Sibertsdóttur. Töfrapilsið eftir Kolfinnu Nikulásdóttur. Nýt eldhús eftir máli eftir Friðgeir Einarrson. Gestafjöldi: 612.
Leikhússkólinn. Fjögur stutt leikrit sýnd saman. Höfundar og listrænir stjórnendur: Nemendur Leikhússkólans. Gestafjöldi: 243. Fjöldi sýninga: 3.

Á rauðu ljósi eftir Kristínu Þóru Haraldsdóttur. Sýningar héldu áfram frá fyrra ári.
Gestafjöldi: 6.539. Fjöldi sýninga: 39.

Sund eftir Birni Jón Sigurðsson og leikhópinn. Frumsýnt í Tjarnarbíó. Sýningar héldu áfram í Þjóðleikhúsinu 2. maí. Gestafjöldi: 1149. Fjöldi sýninga: 9.

LEG (útskriftarsýning LHÍ). Eftir Hugleik Dagsson. Leikstýrði Þórunn Arna Kristjánsdóttir. Sýningar hófust í Kassanum 21. maí. Gesatfjöldi: 1392. Fjöldi sýninga: 10.

Jólin á suðupunkti eftir Raddbandið. Sýningar hófust í Kjallaranum 14. nóvember. Gesatfjöldi: 1780. Fjöldi sýninga: 7.

Improv Ísland (Spunasýningar). Höfundar: Leikhópurinn. Gesatfjöldi: 3075. Fjöldi sýninga: 36

Skíthrædd eftir Unni Elísabetu. Sýningar hófust í Kjallaranum 7. mars. Gesatfjöldi: 767. Fjöldi sýninga: 10.

Kjallarakabett. Dagskrá í stjórn Margrétar Erlu Mack. Sýninga hófust 3. janúar. Gestafjöldi: 1318. Fjöldi sýninga: 17.

House of Revolution. R.E.C. Arts í samstarfi við Þjóðleikhúsið. Sýningar hófust 8. febrúar. Gestafjöldi: 312. Fjöldi sýninga: 4

Áfram stelpur. Höfundar: Gunnar Edander, Suzanne Osten og Margareta Garpe, Dagný Kristjánsdóttir, Kristján Jóhann Jónsson, Þrándur Thoroddsen, Böðvar Guðmundsson, Lillemor Lind og Magnús Þór Jónsson. Leikstjóri Þórunn Lárusdóttir. Sýningar hófust í Kjallaranum 21. október. Gestafjöldi: 217. Fjöldi sýninga: 2

Grínkjallarinn. (Uppistand) Höfundar: Guðmundur Einar, Vigdís Hafliðadóttir, Hekla Elísabet Aðalsteinsdóttir og Bolli Már. Sýningar héldu áfram frá fyrra ári 16. janúar í Kjallaranum. Gestafjöldi: 250. Fjöldi sýninga: 16.

Lítill töffari eftir Guðmund Einar.(Uppistand). Sýningar hófust í Kjallaranum 30. ágúst. Gesatfjöldi: 243. Fjöldi sýninga: 3.

Póst-Jón eftir Adolphe Adam. Sviðslistahópurinn Óður í samstarfi við Þjóðleikhúsið. Sýningar héldu áfram frá fyrra ári 12, apríl. Gestafjöldi: 111. Fjöldi sýninga: 2.

Ukulellur. Tónleikar. 27. september í Kjallaranum. Gestafjöldi: 106. Fjöldi sýninga: 1.
Garpar. (Leikhústónleikar). Höfundar: Hjalti Rúnar Jónsson, Kristinn Óli Haraldsson og Vilhjálmur B. Bragason. Sýnt í Kjallaranum 1. maí. Gesatfjöldi: 52.

39 þrep. (Áhugaleiksýning ársins) Eftir Patrick Barlowe. Leiskstjóri Eyvindur Karlsson. Sýnd á Stóra sviðinu 31 maí.