Æskílos (525/524 f.Kr. – 456/455 f.Kr.) var elstur hinna miklu klassísku harmleikjaskálda Grikkja. Talið er að Æskílos hafi skrifað um 90 leikrit, harmleiki og satýrleiki, en aðeins sjö harmleikja hans hafa varðveist. Meðal þeirra eru verkin sem mynda þríleikinn Óresteiu (458 f.Kr.) og heita í þýðingu Helga Hálfdanarsonar Agamemnon, Sáttafórn og Hollvættir. Þjóðleikhúsið sýnir í vetur leikverkið Óresteiu eftir Benedict Andrews, sem byggt er á þríleik Æskílosar, í þýðingu Kristínar Eiríksdóttur.