Auður Finnbogadóttir útskrifaðist sem leikkona úr The American Academy of Dramatic Arts í Los Angeles árið 2017. Við útskrift hlaut hún Charles Jehlinger Award sem besta leikkona árgangsins. Hún stundaði einnig nám við Ivana Chubbuck Acting Studio í Hollywood.

Auður tók þátt í fjölda leiksýninga og kvikmyndaverkefna í Los Angeles og hlaut verðlaun sem besta leikkona á kvikmyndahátíðinni Festigious Film Festival fyrir hlutverk sitt í myndinni No Surprises. Auður lék og dansaði í uppsetningu á söngleiknum We Will Rock You í Háskólabíói, lék í kvikmyndinni Gullregn og leikstýrir hjá Sönglist.

Auður tekur þátt í Kardemommubænum í Þjóðleikhúsinu og aðstoðaði í Ástu og Rómeó og Júlíu.