Kötturinn vill inn – lag eftir Prins Póló úr sýningunni Vertu úlfur

Kötturinn vill inn, eftir Prins Póló er annað af titillögum sýningarinnar Vertu úlfur.

Prinsinn og Emilíana Torrini, í samvinnu við Markétu Irglová, semja bæði ný lög fyrir sýninguna. Segja má að lögin endurspegli ólíkar hliðar geðhvarfa. Lag Emilíönu fangar hinar dekkri og viðkvæmari hliðar á meðan lag Prinsins endurspeglar oflætið. Lögin eru sungin við sama texta sem er jafnframt fyrsti texti Emilíönu Torrini sem saminn er á íslensku.