Hafsteinn Þráinsson útskrifaðist úr jazzgítarnámi frá FÍH árið 2015 og úr tónsmíðum frá LHÍ árið 2018. Hann hefur starfað sem tónlistarmaður undir nafninu Ceasetone frá árinu 2015. Hafsteinn semur tónlist ásamt Unu Torfadóttur fyrir söngleikinn Storm í Þjóðleikhúsinu og hannar hljóðmynd ásamt öðrum, en hann er jafnframt tónlistarstjóri sýningarinnar og tekur þátt í henni sem hljómsveitarstjóri og gítarleikari. Hafsteinn hefur tekið þátt í fjölda ólíkra tónlistarverkefna og hefur m.a. undanfarið ferðast um heiminn ásamt raftónlistarmanninum Daða Frey. Hann hefur m.a. pródúserað plötur fyrir listafólk á borð við  Bubba Morthens, JóaPé & Króla og Unu Torfa, unnið útsetningar fyrir Sinfóníuhljómsveit Íslands og komið fram ásamt heimsfræga sellóleikaranum Yoyo Ma. Hafsteinn hefur komið að fjölda verkefna á sviði kvikmyndatónlistar, og m.a. unnið náið með Högna Egilssyni, Herdísi Stefánsdóttur, Tóta Guðna, Dustin O’ Halloran og Ólafi Arnalds. Hann hefur unnið að ólíkum kvikmyndum, allt frá hryllingsmyndinni Azrael til rómantísku gamanmyndarinnar Bridget Jones: Mad About The Boy.