Pissudúkkur
Leikhúslistakonur 50+ í samstarfi við Þjóðleikhúsið
Absúrd gamanleikur með dramatískum undirtóni
„Sumar hafa lesið, aðrar hafa ekki lesið eða lesið aðrar bækur, en ég hef lesið þessa bók og reyndar oftar en einu sinni af því mér fannst hún fjalla um mig, um okkur allar…“
Þær eru búnar að vera saman í bókaklúbbi í 35 ár. Og nú á að halda upp á það með því að taka fyrir heimsfrægu verðlaunabókina Pissudúkkur eftir Helen Johnson. En hvernig er hægt að ræða bók sem bara sumar hafa lesið, aðrar til hálfs eða jafnvel alls ekki?
Bráðfyndið nýtt íslenskt leikrit sérstaklega skrifað fyrir hóp leikkvenna sem tilheyra þriðja aldursskeiðinu, sem fjallar meðal annars um listina að lesa og hlusta. Leikhópurinn Leikhúslistakonur 50+ sem stendur að sýningunni hlaut tilnefningu til hvatningarverðlauna Grímunnar vorið 2026.
Leikhúslistakonur 50+ í samstarfi við Þjóðleikhúsið.
