Hefur þú áhuga á því að starfa í Þjóðleikhúsinu?
Þjóðleikhúsið er lifandi og skapandi vinnustaður þar sem enginn dagur er eins.
Í Þjóðleikhúsinu starfa yfir eitt hundrað fastráðnir starfsmenn, lista- og leikhústæknifólk. Einnig fjölmargir verkefnaráðnir listrænir stjórnendur og listamenn, auk starfsfólks í tímavinnu við gestamóttöku, leikmyndaskiptingar, sviðsvinnu og fleira. Leikhúsið er jafnlaunavottaður vinnustaður þar sem jákvæð og uppbyggileg samskipti og skýrir ferlar eru í forgrunni.
The National Theatre of Iceland is a vibrant cultural institution with the mission to captivate and entertain audiences while also promoting thought, diversity, and inspiration. The National Theatre of Iceland actively engages in dialogue with the public and strives to cultivate a greater appreciation for the art of theatre. We are committed to inclusivity and endeavour to engage with diverse segments of society.
- Skráðu þig hér hafir þú áhuga á að vera á lista vegna tímavinnu í leikhúsinu.
- Register here to be considered for a contract based job at the NTI
Smiður á smíðaverkstæði Þjóðleikhússins
Þjóðleikhúsið leitar að reynslumiklum smiði með áhuga á starfsemi leikhúsa. Starfið felur í sér smíði leikmynda ásamt öflugu teymi á smíðaverkstæði leikhússins.
Þjóðleikhúsið er jafnlaunavottaður vinnustaður þar sem fjölbreyttur og samheldinn hópur starfar. Stofnunin er þátttakandi í verkefninu um styttingu vinnuvikunnar og boðið er upp á hlunnindi svo sem samgöngustyrk vegna vistvænna samgangna.
Helstu verkefni
- Smíði leikmynda
- Vinna að útfærslu við smíði leikmynda, efnisval og vinnsluaðferðir í samvinnu við yfirsmið smíðaverkstæðis og teymisstjóra leikmyndaframleiðslu
- Taka við samþykktum teikningum og bera ábyrgð á framleiðslu/smíði á ákveðnum verkþáttum
- Halda tímaáætlanir við smíði leikmynda
- Stuðla að því að efni og aðföng séu vel nýtt
- Þátttaka í fyrstu uppsetningu leikmynda á sviði
- Leggja sig fram við að kolefnisfótspor við framleiðslu leikmynda sé haldið í lágmarki og sé í samræmi við umhverfisstefnu leikhússins
- Tryggja að öryggi, frágangur og umgengni á smíðaverkstæði sé til fyrirmyndar
Hæfniskröfur
- Mikil reynsla af hverskyns smíðavinnu
- Menntun sem nýtist í starfi
- Reynsla af starfi í leikhúsi og smíði leikmynda er kostur
- Hæfni til að lesa og skilja tækniteikningar er kostur
- Hæfni til að meta tímalengd á verkþáttum
- Hæfni til að vinna vel í fjölbreyttu teymi og ganga vasklega til verks
- Góð almenn tölvukunnátta: Outlook, Excel, Word.
- Hugmyndaauðgi, frumkvæði og áræðni ásamt hæfni í mannlegum samskiptum
- Gott vald á íslensku og/eða ensku
Frekari upplýsingar um starfið
-
Vinnutími er á dagvinnutíma alla virka daga en gert ráð fyrir sveigjanlegum vinnutíma þegar leikmyndir fara á svið og við fyrstu skiptingar hverrar leikmyndar á sviði
-
Næsti yfirmaður er teymisstjóri leikmyndaframleiðslu
-
Við ráðningu í störf í Þjóðleikhúsinu er tekið mið af jafnréttisáætlun leikhússins
-
Æskilegt er að viðkomandi geti hafið störf um miðjan ágúst en er umsemjanlegt
-
Við hvetjum áhugasama aðila, án tillits til kyns og uppruna, til að sækja um
Eftirfarandi gögn skulu fylgja umsókn:
-
Ferilskrá
-
Kynningarbréf þar sem umsækjandi gerir grein fyrir því hvernig hann uppfyllir hæfnikröfur auglýsingar
-
Afrit af prófskírteinum
-
Upplýsingar um umsagnaraðila frá fyrri störfum
Leikhúsið áskilur sér rétt til að ráða engan uppfylli enginn umsækjandi kröfur.Öllum umsóknum verður svarað þegar ákvörðun um ráðningu hefur verið tekin.
Starfshlutfall er 100%
Umsóknarfrestur er til og með 15.06.2026
Upplýsingar um starfið veitir:
Jasmina Luiza Wojtyla
jasmina.wojtyla@leikhusid.is
Sækja um hér: Smiður á smíðaverkstæði
Tæknimaður í ljósadeild Þjóðleikhússins
Þjóðleikhúsið óskar eftir kraftmiklum starfskrafti í ljósadeild Þjóðleikhússins. Helstu verkefni eru uppsetning, rekstur og viðhald ljósabúnaðar fyrir sýningar, æfingar og aðra viðburði á vegum leikhússins.
Þjóðleikhúsið er jafnlaunavottaður vinnustaður þar sem fjölbreyttur og samheldinn hópur starfar. Stofnunin er þátttakandi í verkefninu um styttingu vinnuvikunnar og boðið er upp á hlunnindi svo sem samgöngustyrk vegna vistvænna samgangna.
Helstu verkefni
- Uppsetning, rekstur og viðhald ljósabúnaðar
- Forritun ljósakerfa
- Tæknivinna vegna æfinga, sýninga og annarra viðburða
- Aðstoð við uppsetningar og breytingar á sýningum
- Almenn verkefni innan sviðs- og ljósadeildar
Hæfniskröfur
- Mikil eða reynsla sem nýtist í starfi
- Reynsla af ljósatækni, viðburðatækni eða sambærilegum störfum
- Góð þekking á ljósabúnaði og ljósastýringarkerfum
- Góð samskiptafærni og hæfni til samstarfs
- Öryggisvitund og fagleg vinnubrögð
- Reynsla af leikhússtarfi er kostur
- Fagbréf atvinnulífsins í ljóstækni eða sambærileg þekking og reynsla er kostur
- Menntun í rafvirkjun, rafeindavirkjun eða skyldum greinum er kostur
- Fagbréf í tímabundnum burðarvirkjum eða sambærileg þekking og reynsla er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag tæknifólks hafa gert.
Um er að ræða 100% starf.Vinnutími er breytilegur og tekur mið af starfsem leikhússins.Laun samkvæmt gildandi kjarasamningi fjármála- og efnahagsráðherra og Félags tæknifólks.Æskilegt er að viðkomandi geti hafið störf 15. ágúst en upphaf starfs getur verið umsemjanlegt.
Eftirfarandi gögn skulu fylgja umsókn:
-
Ferilskrá
-
kynningarbréf þar sem umsækjandi gerir grein fyrir því hvernig hann uppfyllir hæfnikröfur auglýsingar
-
afrit af prófskírteinum
-
upplýsingar um umsagnaraðila frá fyrri störfum
Við hvetjum áhugasama aðila, án tillits til kyns og uppruna, til að sækja um.
Leikhúsið áskilur sér rétt til að ráða engan uppfylli enginn umsækjandi kröfur.Öllum umsóknum verður svarað þegar ákvörðun um ráðningu hefur verið tekin
Starfshlutfall er 100%
Umsóknarfrestur er til og með 22.06.2026
Upplýsingar um starfið veitir:
Kjartan Þórisson
Tölvupóstur: kjartan.thorisson@leikhusid.is
Sækja um hér: Tæknimaður í ljósadeild
