Vignir Rafn Hilmarsson útskrifaðist með burtfararpróf í jazzbassaleik og kennarapróf frá Tónlistarskóla FÍH árið 2010. Hann hefur spilað með ýmsum hljómsveitum í gegnum tíðina, m.a. Agent Fresco. Vignir starfar sem grunnskólakennari í tónmennt ásamt því að kenna einkatíma á ýmis hljóðfæri. Þá kennir hann einnig bassaleik við Skólahljómsveit Vesturbæjar og Miðbæjar. Hann hefur helgað störf sín eflingu tónlistarnáms barna og unglinga síðastliðin 15 ár. Vignir spilar í hljómsveitinni í söngleiknum Ormstungu í Þjóðleikhúsinu í vetur, og spilaði í söngleiknum Stormi.