Starfsfólk Þjóðleikhússins gróðursetur 4000 plöntur

Það var glatt á hjalla hjá starfsfólki Þjóðleikhússins sem gróðursetti í gær rúmlega 4000 tré í Heiðmörk í samstarfi við Skógræktarfélag Reykjavíkur. Þetta er átaksverkefni starfsfólks og hluti af grænum skrefum leikhússins og viðleitni til að kolefnisjafna starfsemi leikhússins. Fyrr í vetur kynnti leikhúsið að hætt væri að fjöldreifa kynningarriti haustsins í þeim tilgangi að minnka kolefnisspor leikhússins.