Wiosenna bujność traw

Samstarfsleikhús Þjóðleikhússins í Póllandi, Stefan Żeromski leikhúsið, færir okkur eina af sínum mögnuðustu leiksýningum, Wiosenna bujność traw (Gróskan í grasinu).

Gestaleikurinn er hluti af viðamiklu listrænu samstarfi Þjóðleikhússins og Stefan Żeromski leikhússins í Kielce í Póllandi.

Wiosenna bujność traw er einstaklega áhrifamikil sýning sem hefur hlotið mikið lof, og fjallar um ástina í ýmsum myndum, óendurgoldna ást, fyrstu ástina, ástarþrána… Sýningin er innblásin af Splendor in the Grass, sígildri kvikmynd eftir Elia Kazan, en titillinn er fenginn úr ljóði eftir
William Wordsworth.

Leikið verður á pólsku, en sýningin verður textuð.